بھارتی حکومت نے عدالت میں واٹس ایپ کی نئی پرائیویسی پالیسی کیخلاف درخواست دائر کردی

غیر ملکی خبر رساں ادارے کے مطابق بھارتی حکومت نے  دہلی ہائی کورٹ میں  واٹس ایپ کی نئی پالیسی سے متعلق درخواست جمع کرائی ہے، جس میں استدعا کی گئی ہے کہ نئی پرائیویسی پالیسی کو نافذ کرنے سے روکا جائے۔

بھارتی وزارت الیکٹرانکس اینڈ انفارمیشن ٹیکنالوجی نے درخواست میں کہا ہے کہ واٹس ایپ کی نئی پالیسی بھارتی قوانین کے خلاف  ہے۔ نئی پرائیویسی پالیسی کے مطابق  واٹس ایپ  صارفین کو واٹس ایپ چھوڑنا ہوگا یا پھر پالیسی قبول کرنا ہوگی۔

اس سے قبل بھارتی  وزارت الیکٹرانکس اور انفارمیشن ٹیکنالوجی نے واٹس ایپ کی پرائیویسی پالیسی کی تبدیلی  پر تشویش کا اظہار کیا تھا اور ایک ای میل میں واٹس ایپ سے کہا تھا کہ وہ ایسی تبدیلیاں واپس لیں۔