اسٹیٹ بینک نے ہفتے کی چھٹی بحال کردی

تفصیلات کے مطابق قائمقام گورنر اسٹیٹ بینک مرتضی سید  نے  بینک ملازمین کو بڑا ریلیف  دے دیا ، بینکوں کی ہفتے کی چھٹی بحال کرنے سمیت اوقات کار بھی کم کردیئے گئے ۔

اسلام آباد سے جاری ایس بی پی اعلامیے کے مطابق ملک بھر میں بینکس پیر سے جمعرات صبح 9 سے شام ساڑھے 5 بجے تک کھلے رہیں گے۔

ایس بی پی اعلامیے کے مطابق ان دنوں میں ڈیڑھ بجے سے سوا دو بجے تک نماز اور کھانے کا وقفہ ہوگا ۔ جمعے کو بینک صبح 9 سے شام 6 بجے تک کھلے رہیں گے ، اس دوران ڈیڑھ بجے سے ڈھائی بجے تک نماز اور کھانے کا وقفہ ہوگا۔

اعلامیے کے مطابق ملک بھر میں بینک ہفتے اور اتوار کو بند رہیں گے۔

یاد رہے کہ رمضان میں بینک ملازمین نے ہفتے کی بحال کرنے کیلئے اسٹیٹ بینک کے سامنے احتجاج اور دھرنا دیا تھا۔