سابق ڈائریکٹر ایف آئی اے  ڈاکٹر رضوان انتقال کر گئے

جی این این  کے مطابق ڈاکٹر رضوان کو جوہر ٹاؤن میں  ان کی رہائشگا ہ پر دل کا دورہ پڑا، انہیں  سروسز ہسپتال منتقل کیا گیا جہاں وہ  جانبر نہ ہو سکے۔ 

ڈاکٹر رضوان ڈائریکٹر ایف آئی اے پنجاب تعینات تھے تاہم موجودہ حکومت کے آتے ہی ڈاکٹر رضوان کو عہدے سے ہٹا دیا گیا تھا۔ 

یاد رہے کہ بطور ڈائریکٹر ایف آئی اے ڈاکٹر رضوان نے وزیراعظم شہباز شریف کے منی لانڈرنگ سمیت کئی کیسز کی تفتیش کی تھی۔