وزیراعظم نے چینی کی ایکسپورٹ پر پابندی لگا دی

تفصیلات کے مطابق وزیراعظم شہباز شریف نے ملک بھر میں  چینی کا ذخیرہ اورقیمت مستحکم رکھنے کیلئے بڑا فیصلہ کرلیا ، وزیراعظم نے  ہدایت کی ہے  کہ عوام کی ضرورت کو پہلے پورا کرنا ہے، قیمت کو مستحکم کرنا ہے۔

وزیراعظم نے ایکسپورٹ پر پابندی کیساتھ اسمگلنگ کے خلاف سخت اقدامات کا بھی حکم دے دیا ہے۔ 

وزیراعظم نے ہدایت کی ہے کہ ذخیرہ اندوزوں، ناجائز منافع خوروں اور مصنوعی قلت پیدا کرنے والوں سےسختی سے نمٹا جائے۔

وزیراعظم  شہباز شریف نے اپنے احکامات پرموثرعمل درآمد سے مسلسل آگاہ کرنے کی بھی متعلقہ اداروں کوہدایت کرتے ہوئے کہا ہے کہ غفلت اور کوتاہی ہوئی تو متعلقہ افسر اور عملہ ذمہ دار ٹھہرے گا۔