لاہور : کرنٹ لگنے سے 2 افراد جاں بحق 

جی این این کے مطابق   کرنٹ لگنے کا افسوسناک واقعہ شفیق آباد کے علاقہ گاؤ شالہ کے قریب پیش آیا جہاں کرنٹ لگنے سے دو نوجوان جان کی بازی ہار گئے ۔ ۔واقعے کی اطلاع ملتے ہی پولیس اور ریسکیو موقع پر پہنچ گئیں ۔  

پولیس کے مطابق جاں بحق ہونے والوں کی شناخت حمزہ جاوید اور ہیری سن کے نام سے ہوئی ، حمزہ جاوید فیصل آباد اور ہیری سن گاؤشالہ کا رہائشی تھا۔ دونوں افراد کرائے کے کوارٹر میں رہائش پذیر تھے ۔ 

پولیس کی جانب سے  ضروری کارروائی کے بعد لاشوں کو ورثاء کے حوالے کر دیا گیا۔