پولیس کاپنجاب اسمبلی آفیسرزکے خلاف ایکشن،ڈی جی پارلیمانی امور گرفتار

میڈیا ذرائع کے مطابق ترجمان پنجاب اسمبلی کا کہنا ہے کہ پولیس دیواریں پھلانگ کرگھرکےاندرداخل ہوئی،پولیس نے سیکرٹری اسمبلی محمدخان بھٹی اور ڈی جی پارلیمانی امورعنایت اللہ لک کےگھرپربھی چھاپے مارے،عنایت اللہ لک کےگھرکےاندرپولیس داخل ہوئی۔

ذرائع جی این این کے مطابق پولیس دونوں آفیسرزکوگھرسےگرفتار کرنے میں ناکام رہی،دونوں آفیسرزگھرپرموجودنہیں تھے۔ بتایا گیا ہے کہ اسمبلی آفیسرزکے گھر پرچھاپےکے دوران پولیس نے توڑ پھوڑ بھی کی،پولیس کی جانب سے اہل خانہ کو ہراساں بھی کیا گیا۔ 

دوسری جانب اسپیکرپنجاب اسمبلی چودھری پرویزالہٰی نے رائےممتاز کو گرفتار کرنے کی مذمت کی ہے، انہوں نے محمد خان بھٹی،عنایت اللہ لک کےگھرچھاپوں کی بھی مذمت کی۔

پرویز الٰہی نے کہا کہ یہ ایکشن شہباز شریف کے حکم پر ہورہا ہے،سینئرآفیسرزکی گرفتاری اور ان کے گھروں پر چھاپےحکومت کی بوکھلاہٹ کاثبوت ہے،غیرآئینی،جعلی حکومت قانون کے خلاف اقدامات کر رہی ہے،شریفوں کاچہرہ قوم کےسامنےآرہاہے۔

واضح رہے کہ اسپیکر پنجاب اسمبلی چودھری پرویزالہٰی نےآج پنجاب اسمبلی کا طلب کر رکھا ہے،پنجاب اسمبلی کااجلاس آج ساڑھے12بجےہوگا۔

اس سےقبل صوبائی  اسمبلی کااجلاس30 مئی کوطلب کرنے کا نوٹیفکیشن جاری کیا گیا تھا،پنجاب اسمبلی اجلاس کی تاریخ تیسری بارتبدیل کی گئی ہے،سب سےپہلے28اپریل کواجلاس طلب کیاگیاتھامگر کارروائی کے بغیر ہی 16 مئی تک مؤخر کردیا گیا۔

16 مئی کو ہونے والے اجلاس کو اجلاس سے پہلے ہی 30 مئی تک مؤخر کردیاگیا تھا،اب تیسری بار اجلاس کو 30 مئی کی بجائے 22 مئی کو طلب کیا گیا ہے۔