اسپیکر پنجاب اسمبلی پرویز الٰہی کے خلاف تحریک عدم اعتمادنمٹا دی گئی

تفصیلات کے مطابق پنجاب اسمبلی کے آج ہونے والے غیر معمولی اجلاس کی صدارت چیئرمین پینل میاں شفیع نے کی جس میں اسپیکر پنجاب اسمبلی چودھری پرویز الٰہی کے خلاف عدم اعتماد کی تحریک ختم کر دی گئی ہے۔

میڈیا ذرائع کے مطابق ممبران پنجاب اسمبلی کو ایوان میں داخلے کی اطلاع کے لیے گھنٹیاں بجائی گئیں، پینل آف چئیرمین نے تحریک عدم اعتماد کے محرک سمیع اللہ خان کا نام بار  بار  پکارا،سمیع اللہ اسمبلی میں موجود نہ تھے جس پر عدم اعتماد کی تحریک ختم کر دی گئی۔

پنجاب اسمبلی کا اجلاس محض 9 منٹ ہی جاری رہ سکا جس میں تحریک عدم اعتماد کے فیصلے کے بعد 6 جون تک کے لیے اجلاس متلوی کر دیا گیا ہے۔