ملک بھر میں یوم پاکستان آج ملی جوش و جذبے سے منایا جا رہا ہے

یوم پاکستان کے تاریخ سازدن کے آغاز پاک فوج کی جانب سے توپوں کی سلامی سے ہوا، لاہور اور پشاور میں21،21 توپوں کی سلامی کے ساتھ یوم پاکستان کا آغاز ہوا۔ لاہور میں محفوظ شہید گیریژن میں یہ سلامی دی گئی۔ اس موقع پر فضا نعرہ تکبیر- اللہ اکبر اور پاکستان زندہ باد کے نعروں سے گونج اٹھی۔نماز فجر کے بعد ملکی سلامتی و خوشحالی کے لیے خصوصی دعائیں مانگی گئیں۔

کورونا ایس اوز پیز کو مد نظر رکھتے ہوئے ملک بھر میں تقریبات منعقد کی جائیں گی اور تمام سرکاری و نجی عمارتوں پر قومی پرچم لہرائے جائیں گے۔آئی ایس پی آر کے مطابق بارش کے باعث 23 مارچ کی پریڈ اب 25 مارچ کو منعقد کی جائے گی۔آئی ایس پی آر کا کہنا ہے کہ پریڈ میں تینوں مسلح افواج سمیت مختلف اداروں کے دستے حصہ لیں گے۔ 25 مارچ کی پریڈ کا وقت اور مقام وہی ہو گا جو پہلے سے طے شدہ ہے۔

مزار اقبال پر گارڈز کی تبدیلی کی تقریب ہوئی اور پاک فضائیہ کے چاق و چوبند دستے نے مزار اقبال پر گارڈز کے فرائض سنبھالے۔ مہمان خصوصی ائیر وائس مارشل ندیم اختر خان نے مزار اقبال پر پھول چڑھائے اور فاتحہ خوانی کی۔

واضح رہے کہ مارچ ہرسال "یوم پاکستان"کے طوپر منایا جاتا ہے،،اکیاسی سال قبل اس روز آل انڈیا مسلم لیگ کے اجلاس میں قرارداد پیش کی گئی،، جس کی بنیاد پر مسلمانان برصغیر نے جداگانہ وطن کے حصول کے لیے تحریک شروع کی،، جو سات سال بعد رنگ لے آئی،، اور دنیا کے نقشے پر "پاکستان"ایک الگ اسلامی ریاست کے طورپر ابھرا۔