مقبوضہ کشمیر میں یوم پاکستان پر وزیر اعظم اور آرمی چیف کی تصاویز آویزاں کردی گئیں

قابض بھارتی فوج کشمیریوں کے دل سے پاکستان کی محبت نہ مٹاسکی۔مقبوضہ کشمیرمیں یومِ قراردادِ پاکستان بھرپورجوش و جذبے سے منایاگیا۔سرینگر کے مقامی اسکول میں خواتین اور بچوں نے یومِ پاکستان کے حوالے سے تقریب منعقدکی  ۔اسکول کو پاکستانی پرچم کے رنگوں سے سجایاگیا۔فضاءمیں پاکستانی ملی نغمےگونجتےرہے۔

تئیس مارچ کے موقع پروادی میں پاکستانی وزیراعظم  عمران خان اور آرمی چیف جنرل قمرجاوید باجوہ   کے پوسٹرز بھی آویزاں کیےگئے۔پاکستانی جھنڈے بھی لہرائے گئے ۔حریت رہنماؤں کی جانب سے یومِ پاکستان کے حوالے سے پیغامات جاری کیے گئے ، حریت رہنماؤں نے کہاکہ امید ہےجلد مقبوضہ کشمیر کے لوگ بھی اس ہی طرح یومِ پاکستان مناسکیں جیسے  پاکستان  اور آزاد کشمیر  میں منایاجاتاہے۔