ہالی ووڈ اداکار جونی ڈیپ نے ایمبر ہرڈ کیخلاف ہتک عزت کا مقدمہ جیت لیا

غیر ملکی میڈیا کے مطابق  100 ملین ڈالر  ہرجانے  کے جونی ڈیپ بمقابلہ ایمبر ہرڈ ہتک عزت کے مقدمے میں سات ہفتوں کے بمشکل ٹرائل کے بعد امریکی ریاست ورجینیا کی جیوری نے جونی ڈیپ کے حق میں فیصلہ  سنا دیا ہے۔

رپورٹس کے مطابق امریکی ریاست ورجینیا کی جیوری نے کیس کا فیصلہ سنایا۔ جونی ڈیپ کو بہت بدنام کرنے پر ہرڈ 15 ملین ڈالر جرمانہ دیں گی جبکہ امبر ہرڈ پر غلط الزام لگانے پر ڈیپ سابقہ بیوی کو 2 ملین ڈالر دیں گے۔

واضح رہے کہ58 سالہ  جونی ڈیپ اور امبر ہرڈ 11 اپریل کو ورجینیا میں شروع ہونے والے ہتک عزت کے مقدمے میں ایک دوسرے پر جسمانی اور جذباتی زیادتی کا الزام لگارہے تھے۔ 

36سالہ اداکارہ ایمبر ہرڈ نے اپنے سابقہ شوہر اور اداکار جانی ڈیپ کو ایک مضمون میں بدنام کیا تھا جس میں انھوں نے یہ دعویٰ کیا تھا کہ وہ گھریلو تشدد کا شکار رہی ہیں۔

جونی ڈیپ نے اپنی سابقہ اہلیہ ایمبر ہرڈ پر 50 ملین ڈالر کا مقدمہ دائر کیا تھا جس کے بعد ہرڈ  نے اداکار کے خلاف 100 ملین ڈالر کا مقدمہ دائر کردیا۔دونوں کا  دعویٰ تھا کہ ایک دوسرے نے انہیں بدنام کیا۔

تاہم  جونی ڈیپ نے اپنی سابقہ اہلیہ ایمبر ہرڈ کیخلاف ہتک عزت کا مقدمہ جیت لیا جس کے بعد اداکار نے اپنے ایک بیان میں کہا کہ جیوری نے مجھے میری زندگی واپس دی،سچائی کبھی ختم نہیں ہوتی۔

یاد رہے کہ دونوں ہالی ووڈ اداکاروں کے درمیان سال  2017 میں طلاق ہو گئی تھی۔