وزیراعظم نے حنیف عباسی کا استعفی منظور کرلیا 

جی این این کے مطابق کابینہ ڈویژن نے باضابطہ طورپرنوٹیفکیشن جاری کردیا۔  گزشتہ روزمسلم لیگ ن کے رہنما حنیف عباسی نے وزیراعظم کے معاونِ خصوصی کے عہدے سے استعفیٰ دے  دیا تھا۔ 

حنیف عباسی نے اعتماد کیے جانے پر وزیراعظم کا شکریہ  ادا کرتے ہوئے اپنا استعفی وزیراعظم کو بھجوایا تھا  ، ان کا کہنا تھا کہ کسی عہدے کے بغیر بھی عوام کی خدمت کرسکتا ہوں۔ 

عدالت عالیہ نے ان کی تقرری پر اعتراضات اٹھائے تھے ، جس پر  انہیں  کام سے روک دیا گیا تھا ۔ 

واضح رہے کہ سابق وزیر داخلہ شیخ رشید نے حنیف عباسی کو بطور معاون خصوصی کام کرنے سے روکنے کیلئے اسلام آباد ہائیکورٹ میں اپیل دائر کی تھی ، جس پر سماعت کے بعد وزیراعظم کو حنیف عباسی کی بطور معاون خصوصی تعیناتی پر نظرثانی کا حکم دیا گیا تھا۔