یوٹیلیٹی سٹور کارپوریشن پیکوروڈ پر انچارج کی ایما ء پر ایک شخص کو پانچ کلو گھی کے درجنوں پیکٹس دیے جانے کی ویڈیو وائرل

لاہور : یوٹیلیٹی سٹورز کارپوریشن کے پیکو روڈ پر موجود برانچ سے ایک ہی شخص کو ایک ہی وقت میں درجنوں پیکٹس دینے کی ویڈیو وائرل ہوگئی ۔

تفصیلات کے مطابق پیکو روڈ پر کاونٹر پر موجود اہلکاراور عملے کی ملی بھگت کیو جہ سے عوام کو مخصوص کمپنی کا گھی جس کا صرف ایک پانچ کلو کا باکس دیا جاتا ہے وہ بھی خریداری کرنے پر جبکہ اسی عملے کی جانب سے ایک ہی شخص کو درجنوں پیکٹس دینے کی ویڈیو سامنے آگئی ہے ۔ 

متعلقہ شخص کا کہنا ہےکہ اس نے بغیر سبسڈی کے گھی لیا ہے جو کہ 483 روپے کلو ملا ہے اور وہ جتنے مرضی پیکٹس لے ، انچارچ کی طرف سے کہا گیا کہ یہ پیکٹس ہم کسی کو بھی فراہم کرسکتے ہیں جبکہ باہر قطاروں میں کھڑی خواتین اور دیگر شہریوں کا کہنا تھاکہ پہلے تو یہ دیتے ہی نہیں ہیں جب ان سے گھی کا مطالبہ کیا جائے تو صرف ایک پیکٹ ہی دیا جاتا ہے جس میں کلو کلو کے پانچ پیکٹس ہوتے ہیں مگراس کے لیے بھی ہمیں دیگر اشیاء خریدنی پڑتی ہیں ۔

سٹور انچارج  انور گجر سے رابطہ کرنے پر معلوم ہوا کہ مخصوص گھی کے ہم ایک سے دو باکس دے سکتے ہیں تاہم اگر اتنی تعداد میں پیکٹس کسی ایک شخص کو دیے گئے ہیں تو میں پتہ کروا لیتا ہوں میں اس وقت سٹور پر موجود نہیں تھا ۔