پاکستان اور بھارت میں امن خطے کی ترقی کا ضامن ہے : فواد چوہدری

تفصیلات کے مطابق سماجی رابطے کی ویب سائٹ ٹوئٹر  پر پیغام میں وفاقی وزیر برائے سائنس اینڈ ٹیکنالوجی فواد چوہدری نے بھارتی وزیراعظم کے  خط پر اپنے تاثرات بیان کئے ہیں۔ فواد چوہدری نے کہا کہ  دونوں ممالک میں امن اس خطے کی ترقی کا ضامن ہے  لیکن  بھارت اگر یہ سمجھتا ہے کہ پاکستان کشمیر پر ہندوستان کا آئینی  حق تسلیم کررہا ہے تو خطے میں امن صرف  اس کی  خواہش ہی رہے گی۔ بھارت کی چالاکیاں نہ کبھی پہلے کام آئیں نہ ہی اب آسکیں گی۔ وفاقی وزیر برائے سائنس اینڈ ٹیکنالوجی  فواد چوہدری کا کہنا تھا کہ امن اس خطےکو معاشی سپرپاور بنا سکتا ہے لیکن شرط یہ ہےکہ امن برابری پر ہو۔

پاکستان اور بھارت میں امن اس خطے کی ترقی کا ضامن ہے لیکن امن صرف خواہش ہی رہے گا اگر ہندوستان یہ سمجھےکہ کشمیر پر پاکستان ہندوستان کا آئینی حق تسلیم کرے ایسی چالاکیاں نہ کبھی پہلے کام آئیں نہ ہی اب آسکیں گی،امن اس خطےکو معاشی سپرپاور بنا سکتا ہے لیکن شرط یہ ہےکہ امن برابری پر ہو pic.twitter.com/voCu1Cq53E

— Ch Fawad Hussain (@fawadchaudhry) March 24, 2021

واضح  رہے کہ بھارتی وزیراعظم نریندر مودی کی جانب سے وزیراعظم عمران خان کے نام یوم پاکستان کی مناسبت سے خط لکھا گیا تھا ، بھارتی وزیراعظم نریندر مودی اور بھارتی صدر رام ناتھ کوویند نے وزیراعظم عمران خان اور صدر مملکت عارف علوی کو یوم پاکستان کی مبارکبادبھی  پیش کی ۔