جرمن وزیر خارجہ 2 روزہ دورے پرآج  اسلام آباد پہنچ رہی ہیں

تفصیلات کے مطابق دورے کے دوران  جرمن وزیر خارجہ  پاکستانی قیادت سے باہمی دلچسپی کے اُمور پر تبادلہ خیال کریں گی۔

وہ وزیر خارجہ بلاول بھٹو زرداری کی دعوت پر پاکستان کا دورہ کررہی ہیں۔

دورے کے دوران دونوں وزرائے خارجہ وفود کی سطح پر بات چیت کرینگے جس میں باہمی تعلقات کے تمام پہلوؤں اور علاقائی اور عالمی امور کا احاطہ کیا جائے گا ۔

جرمنی کی وزیرخارجہ وزیراعظم  شہبازشریف سے بھی ملاقات کریں گی ۔ دونوں ممالک کے درمیان باہمی احترام اور قریبی تعاون پر مبنی طویل مدتی دوستانہ تعلقات ہیں اور وہ مختلف شعبوں میں دوطرفہ تعاون مضبوط بنانے کوخصوصی اہمیت دیتے ہیں۔

جرمنی کی وزیرخارجہ کا دورہ دونوں ممالک کے درمیان اعلی سطح کے باضابطہ تبادلوں کا حصہ ہے اور اس سے پاکستان اور جرمنی کی کثیر جہتی دوستی کو مزید فروغ حاصل ہوگا۔