مریم نواز کی پیشی، نیب نے عدالت سے رجوع کر لیا

تفصیلات کے مطابق نیب نے مریم نواز کی  پیشی کے موقع پر  پی ڈی ایم کے کارکنوں کو ساتھ لانے کے خلاف لاہور ہائیکورٹ سے رجوع کر لیا ہے ، نیب نے ہائیکورٹ میں درخواست جمع کرتے ہوئے موقف اختیار کیا کہ مریم نواز کو نیب نے 26 مارچ کو دو کیسز میں طلب کیا ہے ۔ مریم نواز نے پی ڈی ایم کے کارکنوں کے ساتھ نیب میں پیش ہونے کا اعلان کیا ہے ۔مریم نواز نے دھمکی دی ہے کہ وہ اکیلی نیب میں پیش نہیں ہوں گی ۔ مریم نواز کے بیان سے صاف ظاہر ہے کہ وہ انکوائری میں پیش ہونے کے بجائے نیب تحقیقات میں رکاوٹ ڈالنا چاہتی ہیں ۔

نیب قانون کے مطابق تحقیقات کر رہا ہے ۔نیب نے چوہدری شوگر مل میں مریم نواز کی ضمانت منسوخی کی درخواست دائر کی ہوئی ہے ۔

نیب نے لاہور ہائیکورٹ سے استدعا کی کہ مریم نواز کو اکیلے نیب میں پیش ہونے کا حکم دیا جائے۔