وفاقی بجٹ: بینظیر انکم سپورٹ پروگرام کیلئے مختص رقم میں اضافہ 

تفصیلات کے مطابق  بجٹ دستاویزات کے مطابق مالی سال  22-2021 میں بینظیر انکم سپورٹ پروگرام کیلئے  250 ارب روپے کی رقم مختص کی گئی تھی  جو مالی سال 23-2022 کیلئے 114 اب روپے بڑھا کر  364 ارب روپے کر دی گئی ہے ۔

اس کے علاوہ  12 ارب روپے کی رقم یوٹیلیٹی سٹورز کارپوریشن پر اشیاء کی سبسڈی کیلئے مختص کی گئی ہے  جبکہ 5 ارب روپے کی اضافی رقم رمضان پیکیج کے طور پر رکھی گئی ہے ۔

اگلے مالی سال میں بینظیر انکم سپورٹ پروگرام  کے تحت 90 لاکھ خاندانوں کو کیش ٹرانسفر  پروگرام کی سہولت میسر ہو گی  جس کیلئے  266 ارب روپے رکھے گئے ہیں ۔

بینظیر تعلیمی وظائف پروگرام کا دائرہ ایک کروڑ بچوں تک بڑھایا جائے گا ، اس مقصد کیلئے  35 ارب روپے سے زائد کی رقم رکھی گئی ہے ، 10 ہزار مزید طالبعلموں کو بینظیر انڈر گریجویٹ سکالر شپ دیا جائے  گا جس کیلئے  9 ارب روپے سے زائد کی رقم مختص کی گئی ہے ۔

اس کے علاوہ  6 ارب روپے مستحق افراد کے علاج اور امداد کیلئے پاکستان بیت المال میں رکھے گئے ہیں ۔