چودھری شجاعت سے کوئی مسئلہ نہیں سب ٹھیک ہوجائے گا:پرویز الہٰی

لاہور میں میڈیا سے گفتگو کرتے ہوئے اسپیکر پنجاب اسمبلی چودھری پرویز الہی نے کہا کہ پنجاب کو پولیس ریاست بنا دیا گیا ہے، صوبے کو حمزہ شہباز نہیں، پولیس چلا رہی ہے۔

انہوں نے کہا کہ کل بجٹ کا اجلاس ہونا ہے یا نہیں ہونا اس کا دار و مدار ن لیگ کے رویے پر ہے، کل کے اجلاس میں گڑبر کا معاملہ سوالیہ نشان ہے۔

ق لیگ کے آپسی اختلافات پر سوال کے جواب میں اسپیکر پنجاب اسمبلی نے کہا کہ چودھری شجاعت حیسن سے کوئی مسئلہ نہیں ہے، سب ٹھیک ہوجائے گا۔

پروزی الٰہی نے کہا کہ حکومت والے اپنی اوقات میں رہیں اور اپنے گریبان میں جھانکیں، ن لیگ کے پاس اکثریت نہیں، انہوں نے بجٹ کیا پیش کرنا ہے۔

ان کا کہنا تھا کہ اسمبلی کے جن لوگوں نے بجٹ انتظام چلانا ہے اگر انہیں ہی اٹھا لیں تو کام کیسے چلے گا۔