پنجاب کے بجٹ میں عام آدمی کو ہر ممکن ریلیف فراہم کیا جائے گا:حمزہ شہباز

سماجی رابطے کی ویب سائیٹ ٹوئیٹر پر جاری پیغام میں وزیر اعلیٰ پنجاب حمزہ شہباز نے کہا کہ بجٹ میں صحت، زراعت ،تعلیم، سرکاری ملازمین سمیت دیگر شعبوں پر بھی خصوصی توجہ دی گئی ہے۔

انہوں نے کہا کہ مشکل معاشی حالات میں متوازن اور غریب دوست بجٹ کی صوبائی کابینہ سے منظوری کے بعد اسے اسمبلی میں پیش کرنے جا رہے ہیں۔

پنجاب کے بجٹ میں عام آدمی کو ہر ممکن ریلیف فراہم کیا جائے گا۔ صحت، زراعت ،تعلیم، سرکاری ملازمین سمیت دیگر شعبوں پر بھی خصوصی توجہ دی گئی ہے۔ مشکل معاشی حالات میں متوازن اور غریب دوست بجٹ کی صوبائی کابینہ سے منظوری کے بعد اسے اسمبلی میں پیش کرنے جا رہے ہیں۔
#روشن_راہیں_نیا_سویرا

— Hamza Shahbaz Sharif (@HamzaSS) June 13, 2022

واضح رہے کہ وزیر اعلیٰ حمزہ شہباز کی زیر صدارت ہونے والے اجلاس میں پنجاب کابینہ نے آئندہ مالی سال کے 3226 ارب روپے کے بجٹ کی منظوری دے دی ہے۔

ذرائع کے مطابق پنجاب کابینہ کا بجٹ صوبائی وزیر اویس لغاری پیش کریں گے جس میں ملازمین کی تنخواہوں میں 15 فیصد اور پنشن میں 5 فیصد اضافے کی تجویز ہے۔