مکران میں سکیورٹی فورسز کا آپریشن، 6 دہشت گرد ہلاک

پاک فوج کے شعبہ تعلقات عامہ (آئی ایس پی آر) کے مطابق بلوچستان کےعلاقے مکران میں سکیورٹی فورسز کی جانب سے آپریشن کیا گیا جس کے نتیجے میں 6 دہشت گرد ہلاک ہو گئے ہیں۔

آئی ایس پی آر کے مطابق ہلاک دہشت گردوں کے قبضے سے اسلحہ و گولہ بارود بھی برآمد ہوا ہے، سکیورٹی فورسز نے دہشت گردوں کی موجودگی کی خفیہ اطلاع پر آپریشن کیا تھا۔

 آئی ایس پی آر نے اس عزم کا اعادہ کیا ہے کہ کسی کو بھی بلوچستان میں امن وامان کی صورت حال خراب کرنے کی اجازت نہیں دی جائے گی۔