پی ٹی آئی آج رات ملک بھر میں مہنگائی کے خلاف پر امن احتجاج کر رہی ہے:شاہ محمود قریشی

سماجی رابطے کی ویب سائیٹ ٹوئیٹر پر جاری پیغام میں سابق وزیر خارجہ شاہ محمود قریشی نے کہا کہ امپورٹڈ حکومت نے چلتی معیشت کو سازش کے تحت تباہ کردیا، بڑھتی ہوئی مہنگائی نے عوام کی کمر توڑ دی ہے۔

انہوں نے کہا کہ تحریکِ انصاف آج رات ملک بھر میں مہنگائی کے خلاف پر امن احتجاج کر رہی ہے، تمام پاکستانی اپنے اپنے شہروں میں احتجاج میں بھرپور شرکت کریں۔

اپنے ایک اور ٹوئیٹ میں شاہ محمود قریشی نے کہا کہ گزشتہ رات لاہور میں ن لیگ کے غنڈوں کی طرف سے تحریک انصاف کے آفس پر دھاوا بولا گیا۔

انہوں نے کہا کہ حسبِ معمول پنجاب پولیس کو تحریک انصاف کے کارکنان پر تشدد کے لیے استعمال کیا گیا، امپورٹڈ حکومت جان بوجھ کر ملک کو انتشار کی طرف دھکیل رہی ہے۔