نیب نے کل مریم نواز کی پیشی ملتوی کردی

تفصیلات کے مطابق   قومی احتساب بیورو(نیب ) نے کل ہونیوالی مسلم لیگ ن کی نائب صدر مریم نواز کی پیشی ملتوی کردی۔

 نیب اعلامیہ میں کہا گیا ہے کہ پیشی کی نئی تاریخ کا اعلان بعد ازاں مناسب وقت پر کیا جائے گا۔این سی او سی نے کرونا کی تیسری وبا کے پیش نظر ہجوم اکٹھا کرنے پر پابندی عائد کی ہے،  اجلاس میں تمام سکیورٹی اداروں کو سکیورٹی انتظامات واپس ختم کرنے کی ہدایت جاری کرنے کا فیصلہ کیا گیا ہے۔

واضح رہے کہ  قومی احتساب بیورو (نیب ) لاہور نے مسلم لیگ ن کی مرکزی نائب صدر مریم نواز کو 26 مارچ کو طلب کیا تھا۔ مریم نواز کی پیشی کے موقع پر امن و امان کی صورتحال برقرار رکھنے کے لیے لاہور آفس کے اطراف کا علاقہ ریڈ زون قرار دے دیا گیا تھا اور نیب لاہور کی سیکورٹی رینجرز کے سپرد بھی  کر دی گئی تھی۔