ترجمان سی ٹی ڈی کے مطابق  دہشت گردوں سے ہینڈ گرنیڈ ، دھماکہ خیز مواد ، پرائمہ کوڈ ، آئی ای ڈی بمب برآمد کرلیا گیا ۔ دہشت گردوں سے خودکش جیکٹ ،سیفٹی فیوز و دیگر سامان  بھی برآمد کیا گیا ۔ 

ترجمان سی ٹی ڈی کاکہنا ہے کہ  دہشت گرد اہم تنصیبات کو نشانہ بنانے کی منصوبہ بندی کر رہے تھے ، پکڑے گئے دہشت گردوں کا تعلق کالعدم تنظیم سے ہے۔ 

سی ٹی ڈی کا بتا نا ہے کہ دہشت گردوں میں محمد یعقوب،عارف سعید،عبدالصمد،بلال ،مزمل،محمد عارف،فاروق اور آصف شامل ہیں ۔

 ترجمان سی ٹی ڈی کے مطابق تمام ملزمان کو نامعلوم مقام پر منتقل کردیا گیا ہے ۔ 

ذرائع کے مطابق پولیس حکام نے جلسہ گاہ انٹری پوائنٹ سے ایک شخص سے پستول اور گولیاں برآمد کر لی گئیں۔

ذرائع کا کہنا ہے کہ پولیس نے متعلقہ شخص کو گرفتار کر کے تحقیقات شروع کر دی ہیں۔

خیال رہے کہ پاکستان تحریک انصاف (پی ٹی آئی) آج اسلام آباد میں سیاسی قوت کا مظاہرہ کر رہی ہے۔

چیئرمین پی ٹی آئی عمران خان اسلام آباد کے پریڈ گراؤنڈ میں جلسے سے خطاب کریں گے۔ عمران خان نے پیٹرول کی قیمتوں میں تیزی سے اضافہ، بڑھتی مہنگائی اور موجودہ حکومت کے اقدامات کے خلاف جلسے کا اعلان کیا تھا۔ 

چیئرمین پی ٹی آئی عمران خان نے لوگوں کو بڑی تعداد میں جلسے میں شرکت کی دعوت دے رکھی ہے۔ عمران خان خود بھی راولپنڈی کے علاقے رحمان آباد سے ریلی کی قیادت کرتے ہوئے پریڈ گراؤنڈ پہنچیں گے۔

پریڈ گراونڈ جلسے سے خطاب کرتے ہوئے انہوں نے کہا کہ عمران خان آج سارے پاکستان کی آواز ہے، جس طرح پاک فوج سارے ملک کی آواز اسی طرح عمران خان بھی سارے ملک کی آواز ہے۔

انہوں نے کہا کہ جولائی کو پی ٹی آئی کو جتوا کر امپورٹڈ حکومت کو لکشمی چوک پر دفن کرنا ہے۔

ان کا کہنا تھا کہ  پاکستان کی بہتری اسی میں ہے کہ جلدی الیکشن کا اعلان کر دیا جائے،  یہ لوگ ملک کو نہیں چلا سکتے۔

شیخ رشید نے کہا کہ فضل الرحمان اپنے بھائی کو گورنر لگانا چاہتا ہے،  ایک چور نے اپنے بیٹے کو وزیر مواصلات بنا دیا، دوسرے چور نے اپنے بیٹے کو وزیر خارجہ بنا دیا۔

جلسے سے خطاب میں وزیر دفاع پرویز خٹک نے کہا کہ ہماری سوچ سے بڑھ کر عوام مہنگائی کے خلاف نکلی، عمران خان کو مبارکباد دیتا ہوں۔

انہوں نے کہا کہ پنجاب میں 17 کو الیکشن ہونے جا رہا ہے،پنجاب کے لوگوں سے کہتا ہوں انہیں گھر بھیجو۔

ان کا کہنا تھا کہ عمران خان نے مہنگائی کو کنٹرول کیا، تیل اور بجلی سستی کئے،  انہیں تکلیف تھی کہ ملک میں بہتری کیوں آ رہی ہے۔عوام سمجھ دار ہے عمران خان خان کو دو تہائی اکثریت دیں گے۔

خیال رہے کہ پاکستان تحریک انصاف (پی ٹی آئی) کے چیئرمین عمران خان دیگر پارٹی قیادت کے ہمراہ پریڈ گراونڈ جلسے میں پہنچ گئے ہیں اور اسٹیج پر موجود ہیں۔

چیئرمین پی ٹی آئی عمران خان راولپنڈی سے ریلی کی قیادت کرتے ہوئے اسلام آباد کے پریڈ گراؤنڈ پہنچے ہیں جہاں پی ٹی آئی کارکنان کی بڑی تعداد پارٹی جھنڈے لیے موجود ہے۔

عمران خان نے پیٹرول کی قیمتوں میں تیزی سے اضافہ، بڑھتی مہنگائی اور موجودہ حکومت کے اقدامات کے خلاف جلسے کا اعلان کیا تھا۔

واضح رہے کہ ضلعی انتظامیہ نے پی ٹی آئی کو اسلام آباد ایکسپریس ہائی وے بند نہ کرنے اور رات 12 بجے سے قبل جلسہ گاہ خالی کرنے کی یقین دہانی پر جلسے کی اجازت دی ہے۔