جی این این سوشل

پاکستان

سود کیخلاف وفاقی شرعی عدالت کا فیصلہ سپریم کورٹ میں چیلنج

اپیل میں وزارت خزانہ، وزارت قانون، چیئرمین بینکنگ کونسل اور دیگر کو فریق بنایا گیا ہے۔

پر شائع ہوا

کی طرف سے

سود کیخلاف وفاقی شرعی عدالت کا فیصلہ سپریم کورٹ میں چیلنج
جی این این میڈیا: نمائندہ تصویر

اسلام آباد: اسٹیٹ بینک نے سود کے خلاف وفاقی شرعی عدالت کا فیصلہ سپریم کورٹ میں چیلنج کر دیا۔

اسٹیٹ بینک کی جانب سے جمع کرائی گئی درخواست میں استدعا کی گئی کہ شرعی عدالت کے فیصلے کے خلاف اپیل کو سماعت کے لیے منظور کیا جائے اور شرعی عدالت کے فیصلے میں اٹھائے گئے نکات کی حد تک ترمیم کی جائے۔

اسٹیٹ بینک کے جانب سے ایڈووکیٹ سلمان اکرم راجہ نے سپریم کورٹ میں اپیل دائر کی اور 4 نجی بینکوں نے بھی شرعی عدالت کے فیصلے کے خلاف اپیل دائر کر دی۔

اپیل میں وزارت خزانہ، وزارت قانون، چیئرمین بینکنگ کونسل اور دیگر کو فریق بنایا گیا ہے۔

اپیل میں کہا گیا کہ شرعی عدالت نے سیونگ سرٹیفکیٹ سے متعلق رولز کو خلاف اسلام قرار دیا اور شرعی عدالت نے رولز میں ترمیم کا حکم دیا۔

پاکستان

پی ٹی آئی آج رحیم یار خان میں سیاسی پاور شو کرے گی

رحیم یار خان : پاکستان تحریک انصاف آج رحیم یار خان میں  عوامی طاقت کا مظاہرہ کرے گی ۔

پر شائع ہوا

ویب ڈیسک

کی طرف سے

پی ٹی آئی آج رحیم یار خان میں سیاسی پاور شو کرے گی

جی این این کے مطابق پاکستان تحریک انصاف  کی جانب سے جلسے کی  تیاریاں مکمل کرلی گئی  ہیں ۔ جلسے کیلئے  خواجہ فرید کالج کے گراؤنڈ میں  ہزار وں  کرسیاں لگائی گئیں ہیں۔ 

کپتان کیلئے 30 فٹ اونچا اور 80 فٹ لمبا اسٹیج تیار کیا گیا ہے ۔ جلسہ گاہ اور شہر بھر میں فلیکس آویزاں کر دیے گئے ہیں ۔

جلسے کے راستوں پر سکیورٹی کے سخت انتظامات  کیے گئے ہیں جبکہ پولیس کی نفری تعینات کردی گئی ہے۔

پڑھنا جاری رکھیں

پاکستان

وزیراعظم کی ملالہ یوسفزئی سے ملاقات، تعلیم نسواں پر تبادلہ خیال

نیویارک : وزیراعظم محمد شہباز شریف سے نوبل انعام یافتہ ملالہ فنڈ کی شریک بانی ملالہ یوسفزئی نے ملاقات کی۔

پر شائع ہوا

ویب ڈیسک

کی طرف سے

وزیراعظم  کی   ملالہ یوسفزئی سے ملاقات، تعلیم نسواں  پر تبادلہ خیال

وزیر اعظم آفس سے جاری بیان کے مطابق وزیر اعظم محمد شہباز شریف سے ملالہ فنڈ کی شریک بانی ملالہ یوسفزئی کی ملاقات اقوام متحدہ کی جنرل اسمبلی کے 77ویں اجلاس کے موقع پر ہوئی۔

 اس موقع پر وزیر اعظم شہباز شریف نے ملالہ یوسفزئی کی جانب سے سماجی مسائل بالخصوص بچیوں کی تعلیم پر بین الاقوامی سطح پر وکالت کو سراہا۔ 

وزیراعظم نے حالیہ موسمیاتی سیلاب سے ہونے والے نقصانات اور تباہی پر روشنی ڈالی جس سے بڑے پیمانے پر جانی و مالی نقصان ہوا۔ وزیراعظم نے سیلاب سے تعلیمی انفراسٹرکچر پر مرتب ہونے والے اثرات پر اپنی تشویش کا اظہار کیا۔

ملالہ یوسفزئی کی ہمت اور لگن کو سراہتے ہوئے وزیراعظم نے تعلیم، صنفی مساوات اور پاکستان میں مرد و خواتین دونوں کیلئے سیکھنے کے مواقع میں اضافہ کیلئے حکومت کی کوششوں پر روشنی ڈالی۔ 

وزیر اعظم نے پاکستان میں بچیوں کی تعلیم کو ترجیح دینے اور اس کی ترغیب دینے کیلئے حکومت کے منصوبوں اور سکیموں سے بھی آگاہ کیا اور ملالہ فنڈ کی وزارت تعلیم کے ساتھ شراکت داری کی تعریف کی ۔ 

ملالہ نے اس موقع پر تمام بچیوں کیلئے تعلیم کے حق کو فروغ دینے کے اپنے عزم کا اعادہ کرتے ہوئے اس بات پر افسوس کا اظہار کیا کہ پاکستان میں حالیہ سیلاب سے بہت سے سکول تباہ ہوگئے۔ انہوں نے پسماندہ بچوں بالخصوص بچیوں کی مدد کیلئے اپنے عزم کا اظہار کیا۔

ملالہ نے تباہ کن سیلاب کے اثرات سے نمٹنے بالخصوص بچیوں کی تعلیم تک رسائی کیلئے پاکستان کی کوششوں کیلئے ملالہ فنڈ کی معاونت کا یقین دلایا۔

واضح رہے کہ ملالہ یوسفزئی مسلسل تین برس تک بااثر عالمی شخصیات کی فہرست کا حصہ رہی ہیں۔ انہیں عالمی سطح پر مختلف نوعیت کے 40 سے زائد اعزازات سے نوازا گیا۔

پڑھنا جاری رکھیں

پاکستان

اسحاق ڈارمنگل کو وفاقی وزیر خزانہ کا عہدہ سنبھالیں گے، ذرائع

پاکستان مسلم لیگ (ن) کے رہنما اسحاق ڈار منگل کو وفاقی وزیر خزانہ کا عہدہ سنبھالیں گے۔

پر شائع ہوا

ویب ڈیسک

کی طرف سے

اسحاق ڈارمنگل کو وفاقی وزیر خزانہ کا عہدہ سنبھالیں گے، ذرائع

وزیراعظم شہباز شریف اور قائد مسلم لیگ (ن) نواز شریف کی لندن میں اہم ملاقات جاری ہے جس میں کئی اہم فیصلے کیے گئے۔ 
 
ذرائع کے مطابق اسحاق ڈار منگل کو وفاقی وزیر خزانہ کا عہدہ سنبھالیں گے جبکہ موجودہ وزیر خزانہ مفتاح اسماعیل حکومت کی معاشی ٹیم کا حصہ رہیں گے۔

خیال رہے کہ گزشتہ روز انٹرویو میں اسحاق ڈار کا کہنا تھاکہ وطن واپسی پر سینیٹ کی رکنیت کا حلف اٹھاؤں گا اور ممکنہ طور پر اگلے ہفتے کے اختتام پر پاکستان میں ہوں گا۔

انہوں نے کہا تھا کہ نواز شریف اور شہباز شریف جو بھی ڈیوٹی لگائیں گے ماضی کی طرح نبھاؤں گا۔

پڑھنا جاری رکھیں

ٹرینڈنگ

Take a poll