پاکستان کی اردن میں المناک واقعہ میں قیمتی انسانی جانوں کے ضیاع پرتعزیت

تفصیلات کے مطابق دفتر خارجہ کے ترجمان عاصم افتخار نے ایک پریس ریلیز میں لواحقین سے گہری  ہمدردی کا اظہار کرتے ہوئے زخمیوں کی جلد صحت یابی کے لئے دعا کی۔

انہوں نے کہا کہ پاکستان دکھ کی اس گھڑی میں اُردن کے برادر عوام اور حکومت سے اظہار یکجہتی کرتا ہے۔

یاد رہے کہ گزشتہ روز اردن کی عقبہ بندر گاہ پر زہریلی کلورین گیس کےاخراج سے کم از کم 12 افراد ہلاک اور 251 سے زیادہ  متاثر ہوئے ہیں  جو ہسپتال میں زیرعلاج ہیں۔

حادثہ اس وقت پیش آیا جب جبوتی کو برآمد کی جانے والی 25 ٹن کلو رین گیس سے بھرا ایک ٹینک ٹینکر پر منتقلی کے دوران گر گیا تھا ۔