مسافر بس کھائی میں جاگری،21افراد جاں بحق

تفصیلات کے مطابق صوبہ بلوچستان کے ضلع ژوب میں  دانہ سر کے علاقے میں بس کھائی میں جا گری جس کے نتیجے میں بھاری جانی نقصان ہوا ہے۔

میڈیا رپورٹس کے مطابق حادثے کے وقت بس میں کل 33 افراد سوار تھے، بس راولپنڈی سے کوئٹہ جا رہی تھی جو کہ راستے میں بارش کے باعث سڑک پر پھسلن  کی وجہ سے کھائی میں جا گری۔

ریسکیو ذرائع کے مطابق حادثے میں 21 افراد جان سے گئے جبکہ متعدد زخمی ہوئے، ریسیکیو ذرائع نے مزید ہلاکتوں کا خدشہ ظاہر کیا ہے جبکہ زخمیوں کو اسپتال منتقل کیا جا رہا ہے، گہری کھائی کی وجہ سے امدادی سرگرمیوں میں بھی مشکلات کا سامنا ہے۔