محکمہ موسمیات نے بارش کی پیش گوئی کر دی

تفصیلات کے مطابق محکمہ موسمیات کا کہنا ہے کہ وفاقی دارالحکومت اسلام آباد میں موسم گرم اور مرطوب رہنے کے علاوہ تیز ہواؤں اور گرج چمک کے ساتھ  بارش کا امکان ہے، محکمے نے شہر کا کم سے کم درجہ حرارت 25 ڈگری سینٹی گریڈ  جبکہ ذیادہ سے ذیادہ 35 سینٹی گریڈ تک رہنے کا امکان ظاہر کیا ہے۔

محکمہ موسمیات کے مطابق مجموعی طور پر ملک کے بیشتر میدانی علاقوں میں بارش اور مطلع ابر آلود رہے گا، بالائی اضلاع میں بھی بارش کی توقع ہے۔

علاوہ ازیں گلگت بلتستان کشمیر میں موسم گرم اور خشک رہے گا، کشمیر میں مطلع جزوی ابر آلود رہے گا، خیبرپختونخوا کے  بیشتر علاقوں میں موسم گرم اور مرطوب رہے گا۔

محکمہ موسمیات کے مطابق سندھ کے بیشتر علاقوں میں گرج چمک کے ساتھ بارش کا امکان ہے جبکہ بلوچستان کے  بیشتر علاقوں میں موسم گرم اور مرطوب  رہے گا۔