حکومت نے چیئرمین ایچ ای سی طارق بنوری کو عہدے سے ہٹادیا

تفصیلات کے مطابق ایچ ای سی ترمیمی آرڈیننس 2021 لاگو ہونے کے بعد چیئرمین ایچ ای سی کی مدت دو سال کر دی گئی ہے جس کے نتیجے میں ڈاکٹر طارق بنوری کو عہدے سے ہٹا دیا گیا ہے۔چیئرمین ایچ ای سی کو عہدے سے ہٹانے کا باقاعدہ نوٹیفکیشن بھی جاری کردیا گیا ہے۔

  کابینہ کمیٹی برائے قانون سازی نے ایچ ای سی ترمیمی آرڈیننس کی باقاعدہ منظوری دی تھی۔ڈاکٹر طارق بنوری کو عہدے سے ہٹانے کا نوٹیفیکیشن کابینہ کی سرکولیشن پر سمری کی منظوری کے بعد جاری کیا گیا۔  حال ہی میں  نیب نے بھی ڈاکٹر طارق بنوری کے خلاف بد عنوانیوں، بےقاعدگیوں، بدانتظامی اور کنسلٹنٹس کی تعیناتی پر  تحقیقات کا آغاز کر رکھا ہے ۔  

یاد رہے کہ طارق بنوری کو سابق وزیراعظم شاہد خاقان عباسی نے مئی 2018 میں تعینات کیا تھا اور انہیں مئی 2022 تک 4 سالہ مدت پوری کرنا تھی۔