صحافی عمران ریاض کی گرفتاری پر ایمنسٹی انٹرنیشنل کا ردعمل

 ایمنسٹی انٹرنیشنل نے حکام مخالفت میں اٹھائی جانے والی آوازوں کو سزا دینے کی مخالفت کرتے ہوئے کہا کہ گزشتہ چند ہفتوں میں متعدد صحافی لاپتہ کر دیے گئے،صحافت کوئی جرم نہیں ہے اس لیے صحافیوں سے بدسلوکی کا سلسلہ فوری بند ہونا چاہیے۔

ایمنسٹی انٹرنیشنل کے مطابق صحافیوں کو فرائض کی انجام دہی میں سیاسی بنیادوں پر الزامات کا سامنا کرنا پڑا، محض فرائض کی انجام دہی کے دوران صحافیوں کو تشدد کا نشانہ بنایا گیا۔

یاد رہے کہ سینئر صحافی عمران ریاض خان کو گزشتہ شب اٹک پولیس نے اسلام آباد ٹول پلازہ سے گرفتار کیا تھا، صحافی کی گرفتاری پر سوشل میڈیا پر سینئر صحافیوں اور سیاسی رہنماؤں کی جانب سے شدید رد عمل کا اظہار کیا گیا جبکہ تحریک انصاف نے ملک گیر احتجاج بھی کیا۔