مسجد الحرام اور مسجد نبوی ﷺ میں نمازوں کیلئے پرمٹ کی شرط ختم

سعودی حکام کے مطابق نمازوں کی ادائیگی کے لیے کورونا میں مبتلا نہ ہونے کی بنیادی شرط برقرار ہے ۔ اس کے علاوہ ایسے تمام افراد جو  کورونا  و ائرس میں مبتلا نہیں ہوئے  اور جنہوں نے ویکسین نہیں لگوائی  وہ بھی اب مسجد الحرام جا سکتے ہیں ۔

حرمین شریفین میں  نماز کی ادائیگی کے لیے ایپلی کیشنز  اعتمرنا یا توکلنا پر  پیشگی بکنگ کی شرط ختم کر دی گئی ہے ، اس سے قبل نمازوں کی ادائیگی کے لیے بکنگ لازمی کرانا ہوتی تھی۔

انتظامیہ کا کہنا ہے کہ کورونا وائرس کے شکار افراد یا ان سے ملاقات کرنے والا شخص مسجد الحرام میں جانے سے پرہیز کرے۔

اس سے قبل سعودی وزارت حج و عمرہ نے غیر ویکسین شدہ  افراد کو  مسجد الحرام میں عمرہ اور نماز کی ادائیگی کی اجازت  دی  تھی ۔