گال ٹیسٹ : دوسرے روز کا کھیل شروع ، پاکستان کی بیٹنگ جاری

تفصیلات کے مطابق قومی ٹیم کی تیسری وکٹ 24 رنز پر گری ، اظہر علی اپنے اسکور میں اضافہ کیے بغیر 3 رنز بنا کر آؤٹ ہوگئے۔

سری لنکا اور پاکستان کے درمیان کھیلے جارہے پہلے ٹیسٹ میچ کے دوسرے روز کا کھیل آؤٹ فیلڈ گیلی ہوجانے کے سبب تاخیر کا شکار ہوا تھا۔

کھیل کے پہلے دن کے اختتام پر پاکستان نے 2 وکٹوں کے نقصان پر 24 رنز بنا لیے ہیں جبکہ پہلی اننگز کا خسارہ پورا کرنے کے لیے قومی ٹیم کو مزید 198 رنز درکار ہیں۔

گال ٹیسٹ کے پہلے دن سری لنکا نے ٹاس جیت کر بیٹنگ کا فیصلہ کیا، لیکن میزبان ٹیم 66 اعشاریہ 1 اوورز میں 222 رنز پر ڈھیر ہوگئی۔

پاکستان کی جانب سے شاہین شاہ آفریدی 4، یاسر شاہ اور حسن علی نے 2، 2 جبکہ نسیم شاہ اور محمد نواز نے ایک ایک وکٹ حاصل کی۔

جواب میں پاکستان کی طرف سے عبد اللّٰہ شفیق اور امام الحق نے اننگز کا آغاز کیا، دونوں کھلاڑی بالترتیب 13 اور 2 رنز بنا کر پویلین لوٹ گئے۔

گرین کیپ نے دن کے اختتام پر 18 اوورز میں 2 وکٹ پر 24 رنز بنائے، اظہر علی 3 اور کپتان بابر اعظم 1 رنز پر ناٹ آؤٹ ہیں۔