پی ٹی آئی رہنما فواد چوہدر ی کی  گاڑی پر سیاسی جماعت کے کارکنا ن کا حملہ 

جی این این کے مطابق پی پی 168  لاہور کے علاقے فیروز پور روڈ پر  پی ٹی آئی  رہنما فواد چوہدر ی  کی گاڑی ہر سیاسی جماعت کے کارکنان  کی جانب سے دھاوا  بول دیا گیا، سیاسی جماعت کے کارکنان نے  فواد چوہدری کی گاڑی کا گھیراو کر لیا گیا  اور  ان کی گاڑی کے شیشے توڑ دیے ۔

فواد چوہدری  کیخلاف نعرے بازی  بھی کی گئی ۔  اس موقع پر پولنگ اسٹیشن پرموجود  پولیس کی جانب  سے کوئی کارروائی نہیں کی گئی ۔ فواد چوہدری گاڑی سے اترے بنا ہی  واپس روانہ ہوگئے ۔ 

فواد چوہدری ، شوکت ترین و دیگر پولنگ اسٹیشن کا دورہ کرنے کیلئے آئے تھے ۔ 

اس سے قبل  فواد چوہدری  نے شہباز گل کی گرفتاری  کی مذمت کرتے ہوئے کہا کہ پورے پنجاب میں بدترین پولیس گردی ہو رہی ہے،  شہباز گل کی گرفتاری کی شدید مذمت کرتے ہیں،  کارکنان ایسی گرفتاریوں کیخلاف سینہ سپر ہو جائیں ۔