ہانگ کانگ : دنیا کا معمر ترین پانڈا انتقال کرگیا

غیر ملکی میڈیا رپورٹس کے مطابق ہانگ کانگ کے ایک تھیم پارک میں موجود این این نامی پانڈا کی طبعیت گزشتہ کچھ ہفتوں سے ناساز تھی،جس کی وجہ سے اس کی صحت روز بروز گرتی جا رہی تھی ۔

اس پانڈے کی اوسط  عمر انسانی عمر کے لحاظ  سے 105  برس  تھی ۔ 

پارک کی انتظامیہ نے پانڈا کے  انتقال پر اظہار افسوس کرتے ہوئے کہا ہے کہ یہ ہماری فیملی کا حصہ تھا اور پانڈا کا سیاحوں سے اچھا میل جول تھا۔

سیچوان کے جنگل میں پیدا ہونے والا "  این این" اپنی  ساتھی " جیا جیا "  کے ساتھ 1999 میں ہانگ کانگ پہنچا۔جب چین کی حکومت نے ہانگ کانگ کو یہ جوڑا تحفے میں دیا ۔ 

 این این کی ساتھی مادہ پانڈا جیا جیا 2016ء میں 38 سال کی عمر میں انتقال کر گئی تھی۔ اس مادہ پانڈا کو بھی سب سے زیادہ عمر پانے والی مادہ پانڈا ہونے کا اعزاز حاصل ہے۔  

ان جانوروں  کی اوسط متوقع عمر جنگل  میں 20 سال سے کم ہے، لیکن وہ قید میں زیادہ دیر تک زندہ رہ سکتے ہیں۔

چین  میں پانڈوں کو قومی خزانہ سمجھتا جاتا ہے ، لیکن دنیا بھر میں سیاسی روابط  قائم کرنے کے لیے انہیں دوسرے ممالک کو  تحفے کے طور پربھی  بھیجتا رہتا  ہے۔