پنجاب میں ریسکیو 1122 کا دائرہ کار مزید بڑھانے کا فیصلہ

تفصیلات کے مطابق وزیراعلیٰ چودھری پرویز الہٰی نے رواں برس صوبے کی تمام تحصیلوں میں ریسکیو 1122 کو توسیع دینے کی منظوری دے دی۔

وزیراعلیٰ کا کہنا تھا کہ  رواں برس پنجاب کی مزید 86 تحصیلوں میں ایمرجنسی سروس کادائرہ کاربڑھایاجائے گا ، حکومت پنجاب ایمرجنسی سروس کی توسیع پنجاب کی تمام تحصیلوں تک کرے گی۔ 

وزیراعلی ٰ پنجاب نے کہا کہ  موٹر بائیک ریسکیو سروس کادائرہ کار رواں برس پنجاب کے مزید 27اضلاع تک بڑھا یاجائے گا۔

چودھری پرویز الہٰی کاکہنا تھا کہ  پنجاب میں ریسکیو 1122 ایمرجنسی سروس ہم نے شروع کی ، پنجاب ایمرجنسی سروس ریسکیو 1122 صوبے کا قابل قدر او رباعث فخر ادارہ ہے۔

انہوں نے مزید کہا کہ  میرے سابق دور میں اس مایہ ناز ادارے کی بنیاد رکھی گئی اور آج یہ ادارہ نہ صرف پاکستان بلکہ عالمی سطح پر بھی اپنی پہچان رکھتا ہے،  ریسکیورز کا کام صرف ڈیوٹی نہیں بلکہ یہ انسانیت کی خدمت کے مترادف ہے ۔