Advertisement
پاکستان

ہیلی کاپٹر حادثے میں شہید 3 فوجی افسران کی نماز جنازہ ادا

راولپنڈی: بلوچستان میں ہیلی کاپٹر حادثے میں شہید ہونے والے تین فوجی افسران کی نماز جنازہ ادا کر دی گئی۔

GNN Web Desk
شائع شدہ 4 سال قبل پر اگست 3 2022، 8:56 شام
ویب ڈیسک کے ذریعے
ہیلی کاپٹر حادثے میں شہید 3 فوجی افسران کی نماز جنازہ ادا

پاک فوج کے شعبہ تعلقات عامہ  (آئی ایس پی آر) کے مطابق میجر طلحہ منان ، میجر محمد سعید اور نائیک مدثر فیاض کی نماز جنازہ ادا کر دی گئیں ۔ تینوں شہدا کی نماز جنازہ ان کے آبائی علاقوں میں ادا کی گئی۔

نائیک مدثر فیاض کی نماز جنازہ شکر گڑھ نارووال میں ادا کی گئی جبکہ میجر محمد سعید کی نماز جنازہ لاڑکانہ میں ان کے آبائی علاقے میں ادا کی گئی اور میجر طلحہ منان کی نماز جنازہ راولپنڈی میں ادا کی گئی۔

میجر طلحہ منان کی نماز جنازہ میں چیف آف جنرل اسٹاف لیفٹینٹ جنرل اظہر عباس، کورکمانڈر راولپنڈی ساحر شمشاد نے شرکت کی۔

تینوں شہدا کی تدفین کے وقت انہیں گارڈ آف آنر پیش کیا گیا۔

Advertisement
رجحانات
Advertisement