کراچی: صدر بم دھماکے میں ملوث شخص گرفتار

میڈیا رپورٹس میں پولیس حکام کے حوالے سے بتایا گیا ہے کہ گرفتار دہشت گرد کی شناخت شیراز کے نام سے ہوئی ہے جو کہ کراچی کے علاقے صدر میں بم دھماکے میں ملوث رہا ہے۔

بتایا گیا ہے کہ گرفتار دہشتگرد کے قبضے سے  اسلحہ اور گولا بارود بھی برآمد کیا گیا ہے جبکہ دہشت گرد سے مزید تفتیش کا عمل بھی جاری ہے۔

یاد رہے کہ رواں سال 12 مئی کو کراچی کے علاقے صدر میں ہونے والے بم دھماکے میں ایک شخص جاں بحق، 7 افراد زخمی ہوئے تھے، دھماکے میں متعدد گاڑیوں کو بھی نقصان پہنچا تھا۔