مادر وطن کی ڈائمنڈجوبلی ملی جوش و جذبے کیساتھ منانے کیلئے تمام تیاریاں مکمل

دن کا آغاز وفاقی دارالحکومت میں اکتیس اور صوبائی دارالحکومتوں میں اکیس اکیس توپوں کی سلامی سے ہو گا ۔ مساجد میں نماز فجر کے بعد ملک کی خوشحالی، یک جہتی اور امن کیلئے خصوصی دعائیں کی جائیں گی ۔

پاکستان کی پہلی دستور ساز اسمبلی کی ڈائمنڈ جوبلی کے سلسلہ میں پارلیمنٹ ہائوس میں بھی کنونشنز منعقد کئے جا رہے ہیں۔ 

ملک کے تمام شہروں میں پرچموں، بیجز اور سٹیکرز کے علاوہ بچوں بڑوں کے کپڑوں کے سٹال قائم کئے گئے ہیں ۔ ملک بھر میں مختلف سرکاری عمارتوں پر قومی پرچم لگایا گیا ہے۔ 

مختلف سرکاری اور نجی عمارتوں کوبھی رنگا رنگ روشنیوں سے سجایا گیا ہے، سکول، کالج اور نجی شعبے کے علاوہ سرکاری ادارے اور نجی تنظیمیں مختلف تقریبات کا اہتمام کریں گی ۔  بچے اپنے گھروں کو سجانے کیلئے Badges اور جھنڈیاں خرید رہے ہیں جبکہ نوجوان اپنی کاروں اور موٹرسائیکل پر لگانے کیلئے بڑے جھنڈے خرید رہے ہیں۔

یوم آزادی پر ہر عمر اور ہر طبقہ جشن آزادی کے جذبے سے سرشار ملک اور قوم کی سلامتی کیلئے کسی بھی قربانی سے دریغ نہ کرنے کی عزم کی تجدید کر رہا ہے۔