وزیراعظم کی لیفٹیننٹ جنرل سرفراز علی شہید کے گھر آمد

میڈیا رپورٹ کے مطابق وزیراعظم نے لیفٹیننٹ جنرل سرفراز علی شہید کیلئے فاتحہ خوانی کی اور اہلخانہ سے تعزیت کا اظہار کیا، وزیر دفاع خواجہ آصف اور وزیراطلاعات مریم اورنگزیب بھی ہمراہ ان کے ہمراہ موجود تھیں۔

اس موقع پر وزیراعظم شہباز شریف کا کہنا تھا کہ ہمارے شہدا ہمارا فخر ہیں، پاک فوج کے افسران وجوانوں نے جانوں کا نذرانہ دینے سے کبھی دریغ نہیں کیا۔

وزیرِ اعظم شہباز شریف کی لسبیلہ بلوچستان ہیلی کاپٹر حادثے میں شہید ہونے والے کور کمانڈر 12 کور، لیفٹیننٹ جنرل سرفراز علی شہید کے گھر آمد

وزیرِ اعظم نے لیفٹیننٹ جنرل سرفراز علی شہید کے لئے فاتحہ کی اور اُنکے اہلِ خانہ سے تعزیت کا اظہار کیا

ہمارے شہداء ہمارا فخر ہیں: وزیرِ اعظم pic.twitter.com/G1Igs9cz4P

— Prime Minister's Office (@PMO_PK) August 17, 2022

انہوں نے کہا کہ دہشتگردوں کے خلاف جنگ کا میدان ہو یا کوئی قدرتی آفت، پاک فوج کے جوان و افسران ہمیشہ قوم کے محافظ بن کر میدان میں اترے ہیں، مجھ سمیت قوم ان قربانیوں پر اپنے شہدا کو خراجِ عقیدت پیش کرتی ہے۔

خیال رہے کہ اس سے قبل وزیراعظم 14 اگست کو میجر طلحہ منان شہید کے گھر بھی تعزیت کیلئے گئے تھے۔