پاک فوج کی سندھ، بلوچستان اور پنجاب کے سیلاب زدہ علاقوں میں کارروائیاں

پاک فوج ٹیمیں متاثرین کومحفوظ مقامات پرمنتقل کررہی ہیں۔ راشن اور تیار کھانا بھی فراہم کیا جارہا ہے۔ پاک فوج کے ہیلی کاپٹر سندھ۔ بلوچستان اور پنجاب میں امدادی سامان پہنچانے میں مصروف ہیں۔

پاک فوج کی ٹیموں کی حیدرآباد،سانگھڑ،بدین،ٹھٹھہ،جامشورو،نوشہروفیروزمیں ریسکیوسرگرمیاں جاری ہیں۔آرمی کے2ہیلی کاپٹرز سندھ میں متاثرہ افرادکومحفوظ مقامات پر منتقل کررہے ہیں۔

پاک فوج اور ایف سی کے دستے بلوچستان کے سیلاب متاثرہ علاقوں میں مصروف عمل ہیں۔ کوئٹہ، پشین، قلعہ سیف اللہ، زیارت، ژوب، لورالائی اور نوشکی میں امدادی سرگرمیاں جاری ہیں۔ جبکہ ۔نصیرآباد،لسبیلہ میں ریلیف کیمپ قائم کردیئے گئے۔

آئی ایس پی آر کا کہنا ہے کہ پاک فوج کےہیلی کاپٹرزپنجاب کےسیلاب متاثرہ علاقوں میں بھی امدادی سرگرمیوں میں مصروف ہیں۔ ڈی جی خان کے متاثرہ علاقوں میں امدادی سامان کی فراہمی زوروشورسےجاری ہیں۔