جی این این کے ایسوسی ایٹ پروڈیو سرشہروزاسلم ٹریفک حادثے میں جاں بحق

 

تفصیلات کے مطابق حادثہ شیر پاؤ پل پر تیز رفتاری کے باعث پیش آیا ہے ، کار سوار نے موٹرسائیکل سوار شہروز اسلم کو ٹکر ماری ، گاڑی کی ٹکر سے شہروز اسلم موقع پر ہی جاں بحق ہوگئے ، 

ابتدائی تحقیقات کے مطابق کار پر جعلی نمبر پلیٹ لگی ہوئی تھی ، کار کا ڈرائیور کار لاک کر کے موقع سے فرار ہوگیا ، پولیس نے لاش کو تحویل میں لیکر باقاعدہ کارروائی کا آغاز کردیا ہے ، 

جی این این کے نمائندے سرفراز احمد نے بتایا کہ یہ  جو حادثہ پیش آیا ہے وہ کار سوار کی تیز رفتاری کے باعث پیش آیا ہے ، متوفی اپنی ڈیوٹی ختم کرکے گھر واپس جارہا تھا ، پولیس حکام  نے گاڑی کوتحویل میں لے لیا  ہے اور ڈرائیو کی تلاش شروع کردی گئی ہے ۔

اس کی گرفتاری کے لیے کوششیں شروع کردی گئی ہیں ۔ حادثہ علی الصبح پیش آیا ہے ، عینی شاہدین کے بیانات کے مطابق کار سوار انتہائی تیز رفتاری سے کار چلارہا تھا ، اور یہ حادثہ تیز رفتاری کے باعث پیش آیا ہے ، 

حادثے کے بعد شہروز کو ہسپتال منتقل کیا گیا مگر وہ جانبر نہ ہوسکے ، کار چلانے والے کی شناخت کا عمل شروع کردیا گیا ہے ۔