کوٹ ادو : ٹریفک حادثے میں ایک ہی خاندان کے 3افراد جاں بحق

جی این این کے مطابق افسوس ناک حادثہ  کوٹ ادو کے علاقے پیر جگی کے قریب  پیش آیا ، جہاں موٹر سائیکل سوار  چار افراد تیز رفتاری کے باعث     ٹریکٹر ٹرالی سے ٹکرا گئے ۔حادثے کے نتیجے میں   بچی سمیت تین افراد موقع پر دم توڑ گئے جبکہ ایک خاتون زخمی  ہیں ۔ اطلاع ملتے ہی ریسکیو اور پولیس   جائے حادثہ  پر پہنچ گئی  اور زخمیوں اور لاشوں کو ہسپتال منتقل کیا ۔

 ریسکیو کے مطابق   جاں بحق  افرا د  کا تعلق  ایک ہی خاندان سے تھا اور وہ چوک سرورشہید چک 557 کے رہائشی تھے ۔  جاں بحق افراد کی شناخت 45 سالہ ساجد حیات ،16 سالہ سبطین اور پانچ سالہ ارباب بتول کے نام سے ہوئی ہے ۔ پولیس کے مطابق حادثہ تیز رفتاری کے باعث پیش آیا۔