عالیہ بھٹ بھی کورونا وائرس کا شکار

تفصیلات کے مطابق  معروف بھارتی اداکارہ عالیہ بھٹ نے فوٹو اینڈویڈیو شئیرنگ ایپ انسٹاگرام اسٹوری میں  تصدیق کرتے ہوئے  مداحوں کو بتایا کہ میرا کورونا ٹیسٹ مثبت آگیا ہے۔ جس کے فوراً بعد انہوں  نے خود کو گھر پر قرنطینہ کرلیا ہے۔عالیہ بھٹ  نے اپنے پیغام میں  کہا کہ  وہ ڈاکٹروں کے مشورے سے تمام حفاظتی  تدابیر  پر عمل کر رہی ہیں ۔عالیہ بھٹ نے پرستاروں  کی جانب سے نیک خواہشات کا اظہار کرنے پر ان کا  شکریہ  بھی ادا کیا اور لوگوں سے حفاظتی تدابیر اپنانے اور  محفوظ رہنے کی اپیل  بھی کی ۔

واضح رہے کہ گزشتہ ماہ عالیہ بھٹ کے قریبی دوست اداکار رنبیر کپور بھی کورونا وائرس  کا شکار ہوئے تھے ۔ جس کے بعد عالیہ بھٹ کے ٹیسٹ کی رپورٹ منفی آئی تھی۔

اس سے قبل بھی بھارتی فلم انڈسٹری کی متعدد شکصیات کا کورونا ٹیسٹ مثبت آچکا ہے ۔ ماضی میں کورونا میں مبتلا ہونے والی بالی وڈ شخصیات میں میگا اسٹار امیتابھ بچن، ان کے بیٹے ابھیشیک بچن، بہو ایشوریا رائے، پوتی ارادھیا بچن، اداکارہ ملائیکا اروڑا، ارجن کپور، اداکارہ سارا خان، سنی دیول، ورون دھون، نیتو کپور ،  کریتی سنن ، سنجے لیلا بھنسالی  سمیت دیگر شخصیات شامل ہیں۔یہ تمام شخصیات کورونا سے ایک سے ڈیڑھ مہینے کے درمیان صحت یاب ہوگئی تھیں ۔