عالمی برادری کو مشکل وقت میں پاکستان کا ساتھ دینا چاہیے : انتونیو گوتریس

تفصیلات کے مطابق وزیرِ اعظم شہبازشریف  اور اقوامِ متحدہ کے سیکرٹری جنرل آج سیلاب متاثرین سے ملاقات کرنے کے ساتھ ساتھ نقصانات اور جاری امدادی کارروائیوں کے جائزے کیلئے سندھ اور بلوچستان کے سیلاب متاثرہ علاقوں کا دورے پر ہیں۔

دورہ سکھر کے دوران اپنے خطاب میں یو این سیکرٹری جنرل انتونیو گوتریس نے سیلاب سے ہونے والے جانی و مالی نقصان پر افسوس کا اظہار کرتے ہوئے کہا کہ اقوام متحدہ کی جانب سے وسائل میں رہتےہوئے پاکستان کی ہر ممکن مدد کی جائیگی۔

انہوں نے کہا کہ دنیا میں مسلسل آنے والی آفات کی وجہ موسمیاتی تبدیلی ہے اور ان چیلنجز سے نمٹنے کے لیےعالمی برادری کوکردار ادا کرنا ہوگا، ماحولیاتی آلودگی کو کم کرنے کے لیےاقدامات کی ضرورت ہے۔

اس موقع پر یو این سیکرٹری جنرل اور وزیراعظم کو سکھر میں سیلاب کی تباہ کاریوں کے متعلق بریفنگ پیش کرتے ہوئے وزیراعلیٰ سندھ نے کہا کہ سندھ میں رواں سال مون سون کی معمول سےزائد بارشیں ہوئیں جو کہ سیلابی صورتحال اختیار کر گئی اور جس کی وجہ سے سندھ اوربلوچستان بہت متاثر ہوا ہے۔

انہوں نے بتایا کہ سندھ میں سیلاب سے537سےزائدافرادجاں بحق ہوئے ہیں  جبکہ بڑے پیمانےپراملاک کوبھی نقصان پہنچا ہے  اور فصلوں اورلائیواسٹاک کو بھی نقصان پہنچا ہے۔ سیلاب کی تباہ کاریوں کے بعد بحالی کا عمل شروع کردیا ہے  تاہم سیلاب متاثرین کی بحالی بہت بڑا چیلنج ہے۔

خیال رہے کہ اقوام متحدہ کے جنرل سیکرٹری انتونیو گوتریس اور وزیراعظم شہباز شریف نے سندھ کے سیلاب متاثرہ علاقوں کا فضائی دورہ بھی کیا ہے۔