حکومت کے خلاف احتجاج کی تاریخ کا اعلان اسی ماہ کروں گا : عمران خان

عمران خان نے صحافیوں سے ملاقات میں اظہارِ خیال کرتے ہوئے کہا کہ نواز  شریف کی پاکستان آمد کا انتظار کر رہا ہوں، ان کا ایسا استقبال ہوگا کہ یاد رکھیں گے، حکومت کے خلاف احتجاج کی تاریخ کا اعلان اسی ماہ کروں گا۔

کچھ روز قبل گوجرانوالہ میں جسلے سے خطاب کرتے ہوئے عمران خان نے اپنی جماعت اور عوام کو آخری کال کے لیے تیار رہنے کی ہدایات کی تھی۔

عمران خان نے کہا تھا کہ سڑکوں پر آکر زبردستی الیکشن کرائیں گے، ملک پر مسلط چور اور ڈاکو کسی بھی طرح مجھے راستے سے ہٹانا چاہتے ہیں، شفاف الیکشن اگر یہ نہیں کرائیں گے تو لوگ سڑکوں پر آنے کو تیار ہیں، جیسے ہی کال دوں گا پوری قوم نے نکلنا ہے۔