سیلاب کی تباہ کاریاں : ملک بھرمیں جاں بحق افراد کی تعداد ایک ہزار 486 ہوگئی

ملک میں بارشوں اور سیلاب کے باعث نقصانات پر این ڈی ایم اے  نے  تازہ رپورٹ جاری کردی۔گزشتہ 24گھنٹے میں بارشوں اور سیلاب سے مزيد 5 افراد جاں بحق ہوئے۔

خيبرپختونخوا میں بارشوں اور سیلا ب سے 2  اور  بلوچستان میں 3 افراد جان کی بازی ہارگئے  جس کے بعدملک بھر میں 

 سیلا ب سے جاں بحق افراد کی تعداد ایک ہزار 486 ہوگئى ہے۔

این ڈی ایم اے کے مطابق بارشوں اور سیلا ب سے سندھ میں638 افراد جاں بحق  ہو چکے ۔ خيبرپختونخوا میں اموات کی تعداد305  تک جا پہنچی ہے۔بلوچستان میں 281 اور پنجاب میں 191  ، گلگت بلتستان میں 22 اورآزاد کشمیر میں48 افرادجاں بحق ہوئے۔

رپورٹ کے مطابق ملک بھر میں زخمى افراد کی مجموعی تعداد 12 ہزار 749 ہو گئى۔

این  ڈی  ایم اے کے جاری کردہ اعداد و شمار کے مطابق ملک بھر میں 12ہزار718 کلو ميٹر سڑکیں  بارشوں اور سيلاب سے متاثر ہو چکی ہیں جبکہ 9 لاکھ 18 ہزار 473 مويشيوں کو نقصان پہنچا۔

ملک بهر میں 80 اضلاع بارشوں اور سيلاب سے تاحال متاثر ہيں۔ جبکہ مجموعی طور پر 3 کروڑ 30 لاکھ 46 ہزار 329 افراد بارشوں سے متاثر ہوئے۔