آڈیو لیکس: پی ٹی آئی  نے جوڈیشل کمیشن کی تشکیل کیلئے سپریم کورٹ سے رجوع کرلیا 

تفصیلات  کے مطابق  تحریک انصاف کی جانب سے دائر درخواست میں اسپیکر قومی اسمبلی اور دیگر ممبران کو فریق بنایا گیا ہے جبکہ  درخواست کے ساتھ مبینہ آڈیو لیکس کی ٹرانسکرپٹ بھی  جمع کروائی گئی ہے۔ 

درخواست میں موقف اختیار کیا گیا ہے کہ تحقیقاتی کمیشن وزیراعظم، رانا ثنا اللہ، اعظم نذیر تارڑ، خواجہ آصف اور اسپیکر سے تحقیقات کرے۔

 درخواست میں کہا گیا ہے  کہ آڈیو لیکس میں موجودہ حکومت کی بدنیتی واضح ہے ، وزیراعظم اور وفاقی وزرا نے اپنے حلف کی خلاف ورزی کی ہے ،  لہذا   تمام فریقین کے خلاف سازش پر فوجداری کارروائی شروع کی جائے۔

25 ستمبر کو وزیراعظم کے دفتر میں سیاسی رہنماؤں کی گفتگو کی مبینہ آڈیو لیک منظر عام پر آئی تھی ۔ اس آڈیو لیک میں تحریک انصاف کے استعفوں سے متعلق معاملہ سامنے آیا تھا۔