سہ ملکی ٹی 20 سیریز:  پاکستان کا نیوزی لینڈ کو جیت کیلئے 131 رنز کا ہدف

نیوزی لینڈ میں جاری سہ فریقی سیریز میں  قومی ٹیم آج اپنا تیسرا میچ میزبان  ٹیم کے خلاف کھیل رہی ہے ۔ پاکستان نے پہلے کھیلتے ہوئے مقررہ 20 اوورز میں سات وکٹوں کے نقصان پر 130 رنز بنائے۔

پاکستان کی جانب سے محمد رضوان 16، بابر اعظم 21 ،  شان مسعود 14، شاداب خان 8 اور حیدر علی بھی 8 رنز بنا کر آؤٹ ہوئے۔

پاکستان نے نیوزی لینڈ کے خلاف ٹاس جیت کر پہلے بیٹنگ  کا فیصلہ کیا۔

 نیوزی لینڈ کے خلاف میچ کے لیے پاکستان ٹیم میں تبدیلی کا امکان نہیں ہے۔

دوسری جانب دوران ٹریننگ انجری کا شکار ہو کر ٹرائی سیریز سے دستبردار ہونے والے کِیوی بیٹر ڈیرل مچل رواں ماہ سے آسٹریلیا میں شیڈول ٹی20 ورلڈ کپ کے لیے ٹیم کا حصہ ہوں گے۔

واضح رہے کہ تین قومی ٹورنامنٹ میں قومی ٹیم اپنے ابتدائی دونوں میچ جیت چکی ہے اور اس کا فائنل میں کوالیفائی کرنا یقینی دکھائی دیتا ہے۔

دوسری جانب نیوزی لینڈ نے دو میں سے ایک میچ جیتا ہے جبکہ بنگلا دیش کو دونوں میچوں میں شکست ہوئی ہے۔ نیوزی لینڈ اگر آج کا میچ جیت جاتا ہے تو بنگلا دیش کی ٹیم ٹورنامنٹ سے باہر ہوجائے گی۔