تحریک انصاف کا الیکشن کمیشن کا فیصلہ چیلنج کرنے کا اعلان

تفصیلات کے مطابق پاکستان تحریک انصاف کے جنرل سیکرٹری اسد عمر نے فیصلے کے  بعد میڈیا سے گفتگو کرتے ہوئے  کہا کہ ہم فیصلے کے خلاف آج ہی ہائیکورٹ جارہے ہیں ، پی ٹی آئی الیکشن کمیشن کا فیصلہ چیلنج کرے گی، آج ہی پٹیشن دائر کریں گے۔

فواد چوہدری نے کہا کہ ہمیں الیکشن کمیشن سے پہلے بھی کوئی امید نہیں تھی ، الیکشن کمیشن نے شرم ناک فیصلہ دیا، الیکشن کمیشن کا یہ فیصلہ پاکستان کے اداروں پر حملہ ہے۔

انہوں نے کہا کہ عوام سے اپیل کرتاہوں اپنے حق کے لیے باہر نکلیں، آج پاکستان میں انقلاب کی ابتداء ہو گئی ہے، پی ٹی آئی اور عوام اس فیصلے کو مسترد کرتے ہیں۔

دوسری جانب  پی ٹی آئی کارکنان کا الیکشن کمیشن کے باہر احتجاج  ، پی ٹی آئی کارکنان کی جانب سے  شدید نعرے بازی کی جارہی ہے ۔