ارشد شریف نے سچ بولنے کی آخری قیمت اپنی جان دے کر ادا کی ، عمران خان

چیئرمین پی ٹی آئی اور سابق وزیراعظم عمران خان ارشد شریف نے سچ بولنے کی آخری قیمت اپنی جان کی صورت میں ادا کی۔

عمران خان نے صحافی ارشد شریف کے قتل پر اظہار افسوس کرتے ہوئے لکھا کہ صحافی ارشد شریف کے قتل پر صدمہ ہوا ہے،  آج قوم ارشد شریف کی وفا ت پر سوگوار ہے، انہوں نے  سچ بولنے کی آخری قیمت اپنی جان کی صورت میں ادا کی ہے، انہیں ملک چھوڑ کر بیرون ملک روپوش ہونا پڑا لیکن پھر بھی وہ  سوشل میڈیا پر طاقتور کو بے نقاب کرتے ہوئے سچ بولتے رہے۔

Shocked at the brutal murder of Arshad Sharif who paid the ultimate price for speaking the truth - his life. He had to leave the country & be in hiding abroad but he continued to speak the truth on social media, exposing the powerful. Today the entire nation mourns his death.

— Imran Khan (@ImranKhanPTI) October 24, 2022

انہوں نے کہا کہ ارشد شریف کے بیانات اور شواہد کی جانچ کے لیے عدالتی تحقیقات کا آغاز کیا جانا چاہیے۔

سابق وزیر اعظم عمران خان نے سوشل میڈیا سائٹ انسٹاگرام پر سنیئر صحافی اور اینکر پرسن ارشد شریف کی تصویر شیئر کی۔

انہوں نے اس تصویر کے کیپشن میں صحافی کی ناگہانی موت پر  ’ إِنَّا لِلّهِ وَإِنَّـا إِلَيْهِ رَاجِعونَ ‘ کے دعائیہ الفاظ تحریر کئے۔

واضح رہے کہ سینئر صحافی اور اینکر ارشد شریف کو کینیا میں قتل کردیا گیا ہے۔

ارشد شریف کی موت کی تصدیق کرتے ہوئے ان کی اہلیہ جویریہ صدیق کا کہنا ہے کہ پولیس کے مطابق ارشد شریف کو کینیا میں گولی ماری گئی ہے۔

دوسری جانب کینیا میڈیا کے مطابق ارشد شریف کی موت حادثہ تھی۔