عمران خان کی شہید ارشد شریف کے اہلخانہ سے ملاقات

تفصیلات کے مطابق پی ٹی آئی چیئرمین اور سابق وزیراعظم عمران خان دیگر ساتھیوں کے ہمراہ کینیا میں گولی لگنے سے شہید ہونے والے سینیئر صحافی اور نامور اینکر ارشد شریف کی رہائشگاہ پہنچے اور ان کی والدہ ودیگر اہلخانہ سے ملاقات کی۔

اس موقع پر عمران خان نے ان کے اہلخانہ سے تعزیت کا اظہار کرتے ہوئے ارشد شریف کی مغفرت اور بلند درجات کے لیے دعا کی۔

عمران خان نے ارشد شریف کی صحافتی خدمات کو سراہتے ہوئے کہا کہ ارشد شریف نے اپنی جان دے سچ بولنے کی قیمت ادا کی ہے، اس سے قبل انہیں اپنے وطن کو چھوڑ کر بیرون ملک روپوش ہونا پڑا تھا۔

چیئرمین تحریک انصاف عمران خان ۔۔ ارشد شریف کے گھر پہنچ گئے۔#ArshadSharif #arshadshareef pic.twitter.com/IFUiFERXaO

— Ghulam Musaddiq (@GMusaddiq) October 24, 2022

واضح رہے کہ اس سے قبل عمران خان نے اپنے ایک ٹوئٹ میں ارشد شریف کی شہادت کے واقعے کی عدالتی تحقیقات کا مطالبہ کرتے ہوئے کہا تھا کہ شواہد کی جانچ کیلیے مناسب عدالتی تحقیقات کا آغاز ہونا چاہیے۔