ٹی ٹوئنٹی ورلڈکپ : زمبابوے کا پاکستان کیخلاف پہلے بیٹنگ کا فیصلہ 

 ٹی ٹوئنٹی ورلڈکپ 2022 میں پاکستان ٹیم اپنا دوسرا میچ آج زمبابوے کے خلاف کھیل رہی ہے ۔ زمبابوے  نے  ٹاس جیت کر پہلے بیٹنگ کا فیصلہ کیا ہے ۔

پاکستان اور زمبابوے کے درمیان  میچ پاکستانی وقت کے مطابق شام چار بجے شروع ہوگا ۔

پاکستان کی ٹیم کی قیادت مایہ ناز بلے باز بابر اعظم کر رہے ہیں جبکہ زمبابوے کو کریگ ارون لیڈ کر رہے ہیں۔

میچ میں قومی کرکٹ ٹیم میں ایک تبدیلی کی گئی ہے۔ آصف علی کی جگہ محمد وسیم کو پلیئنگ الیون میں شامل کیا گیا ہے۔ پاکستان ٹیم میں بابر اعظم، شاداب خان، محمد رضوان، شان مسعود، افتخار احمد، حیدر علی، محمد نواز، محمد وسیم جونیئر، شاہین آفریدی، نسیم شاہ اور حارث رؤف شامل ہیں۔

اس سے قبل  گرین شرٹس نے پرتھ میں دو سیشنز میں ٹریننگ کی، جبکہ زمبابوے کے کھلاڑیوں نے بھی بھرپور پریکٹس کی۔ 

واجح رہے کہ میگا ایونٹ کا پہلا سیمی فائنل میچ 9 نومبرکو سڈنی اور دوسرا سیمی فائنل میچ 10 نومبر کو ایڈیلیڈ میں کھیلا جائے گا جبکہ فائنل میچ 13نومبر کو ایم سی جی میلبورن میں کھیلا جائے گا۔